అల్ల‌రి న‌రేష్ హీరోగా సిద్దు ఫ్ర‌మ్ సికాకుళం డైరెక్ట‌ర్ ఈశ్వ‌ర్ రెడ్డి తెర‌కెక్కించిన చిత్రం సెల్ఫీ రాజా. ఈ చిత్రంలో అల్ల‌రి న‌రేష్ స‌ర‌స‌న సాక్షి చౌద‌రి, కామ్నా సింగ్ ర‌నావ‌త్ న‌టించారు. ఈ మూవీని గోపీ ఆర్ట్స్ బ్యాన‌ర్ పై చ‌ల‌సాని రామ బ్ర‌హ్మాం నిర్మించగా, రామ‌బ్ర‌హ్మాం సుంక‌ర స‌మ‌ర్పిస్తున్నారు. వైవిధ్య‌మైన క‌థాంశంతో ఫుల్ లెంగ్త్ ఎంట‌ర్ టైన‌ర్ గా రూపొందిన సెల్ఫీ రాజా చిత్రాన్ని ఈ నెల 15న రిలీజ్ చేయ‌డానికి ప్లాన్ చేస్తున్నారు. ఈ సంద‌ర్భంగా ప్ర‌మోష‌న్ లో భాగంగా...వెరైటీగా సెల్ఫీ రాజా టీమ్ సెల్ఫీ టూర్ ప్లాన్ చేసింది. ఈరోజు సెల్ఫీ రాజా చిత్రంలోని మొద‌టి పాట‌ను సీనియ‌ర్ ఫిల్మ్ జ‌ర్న‌లిస్టులు పసుపులేటి రామారావు, వినాయ‌క‌రావు, ఆనంద్, ఫోటోగ్రాఫ‌ర్ సాయి రిలీజ్ చేసారు.ఈ సంద‌ర్భంగా అల్ల‌రి న‌రేష్ మొద‌టి సాంగ్ రిలీజ్ చేసిన జ‌ర్న‌లిస్టుల‌తో సెల్ఫీ తీసుకున్నారు.

రేపటి నుంచి ఈ సెల్ఫీ రాజా సెల్ఫీ టూర్ ప్లాన్ చేసారు. రేపు అన‌గా ఈనెల 8 సాయంత్రం 6 గంట‌ల‌కు వైజాగ్ వి మ్యాక్స్ థియేట‌ర్ లో సెల్ఫీరాజా చిత్రంలోని రెండో పాట‌ను రిలీజ్ చేయ‌నున్నారు. ఇక్క‌డ సెల్ఫీరాజా అల్ల‌రి న‌రేష్ ఆడియ‌న్స్ అంద‌రితో క‌లిసి సెల్ఫీ తీసుకోనున్నారు. ఆత‌ర్వాత 9వ తేది సాయంత్రం 6 గంట‌ల‌కు విజ‌య‌వాడ శ‌కుంత‌ల థియేట‌ర్ లో మూడ‌వ సాంగ్ రిలీజ్ చేయ‌నున్నారు. ఇక్క‌డ కూడా ఆడియ‌న్స్ అంద‌రితో సెల్ఫీ రాజా సెల్ఫీ తీసుకోనున్నాడు. ఆత‌ర్వాత 10వ తేదీ వ‌రంగ‌ల్ ఏసియ‌న్ శ్రీదేవి మాల్ లో సాయంత్రం 6 గంట‌ల‌కు నాలుగ‌వ సాంగ్ ను రిలీజ్ చేసి ఇక్క‌డ కూడా ఆడియ‌న్స్ తో అల్ల‌రి న‌రేష్ సెల్ఫీ తీసుకోనున్నారు. ఇలా...ఒక్కో సాంగ్ ఒక్కో ఏరియాలో రిలీజ్ చేసి ఆడియ‌న్స్ తో సెల్ఫీ తీసుకోవ‌డం చూస్తుంటే సెల్ఫీరాజా సెల్ఫీ తీసుకోవ‌డంలో వ‌రల్డ్ రికార్డ్ సాధిస్తాడేమో అనిపిస్తుంది. ఆల్ ది బెస్ట్ సెల్ఫీ రాజా..!