అల్లరి నరేష్ నటించిన `సెల్ఫీరాజా` జూలై 15న గ్రాండ్ రిలీజైన సంగతి తెలిసిందే. విడుదల రోజు నుండే అన్నీ ఏరియాల నుండి పాజిటివ్ టాక్ ను రాబట్టుకుని సక్సెస్ ఫుల్ గా రన్ అవుతోంది. సినిమా విడుదలైన మూడు రోజులకు బయ్యర్స్ కు లాభాలను తీసుకొచ్చిన సినిమాగా, మౌత్ టాక్ తో బాక్సాఫీస్ వద్ద సక్సెస్ ను అందుకుందీ హిలేరియస్ ఎంటర్ టైనర్.

నరేష్ కెరీర్ లోనే నైజాంలో మూడు 1.3కోట్ల రూపాయల షేర్ ను సాధించింది. ఈ చిత్రంలో మహేష్ బాబు, పవన్ కల్యాణ్ సినిమాలతో పాటు నాన్నకు ప్రేమతో, బాహుబలి, బెంగాల్ టైగర్, సరైనోడు చిత్రాల స్పూఫ్ కు ప్రేక్షకుల నుండి మంచి ఆదరణ లభిస్తుంది. అల్ల‌రి న‌రేష్, సాక్షిచౌదరి, కామ్నా రనవత్ హీరో హీరోయిన్లుగా నటించిన ఈ చిత్రానికి జి.ఈశ్వర్ రెడ్డి దర్శకుడు. సుంక‌ర రామ‌బ్ర‌హ్మం స‌మ‌ర్ప‌ణ‌లో ఎ.కె.ఎంట‌ర్ టైన్మెంట్స్, గోపీ ఆర్ట్స్ బ్యాన‌ర్స్ పై ఈ చిత్రం రూపొందింది.