மக்கள் செல்வன் விஜய்சேதுபதி நடிப்பில் சமீபத்தில் வெளிவந்து கொண்டிருக்கும் படங்கள் வசூல் மழையை பொழிந்து வரும் நிலையில் அவர் நடித்து முடித்துள்ள அடுத்த படமான 'சீதக்காதி' திரைப்படமும் ரிலீசுக்கு தயாராகிவிட்டது. இந்த படம் வரும் நவம்பர் மாதம் வெளியாகும் என்று எதிர்பார்க்கப்படும் நிலையில் இந்த படத்தின் சென்சார் தகவல்கள் தற்போது வெளிவந்துள்ளது.

சீதக்காதி' திரைப்படத்தை பார்த்த சென்சார் அதிகாரிகள் இந்த படத்திற்கு 'யூ' சான்றிதழ் அளித்துள்ளனர். சென்சார் சான்றிதழ் கிடைத்துவிட்டதை அடுத்து இந்த படத்தின் ரிலீஸ் தேதி வெகுவிரைவில் அதிகாரபூர்வமாக அறிவிக்கப்படவுள்ளது.

இந்த நிலையில் இந்த படத்தின் ஃபர்ஸ்ட்லுக் ஏற்கனவே வெளிவந்து நல்ல வரவேற்பை பெற்றுள்ள நிலையில் சற்றுமுன் இரண்டாவது லுக் வெளிவந்துள்ளது. விஜய்சேதுபதி பர்ஸ்ட்லுக்கில் மிக வயதான தோற்றத்தில் இருந்த நிலையில் அதற்கு நேர்மாறாக செகண்ட் லுக்கில் அவர் இளமையாகவும் வித்தியாசமாகவும் உள்ளார். இந்த படம் விஜய்சேதுபதியின் 25வது படம் என்பது குறிப்பிடத்தக்கது.