விஜய்சேதுபதியின் 'சீதக்காதி' ரிலீஸ் எப்போது?
- IndiaGlitz, [Saturday,August 18 2018]
விஜய்சேதுபதி நடிப்பில் கடந்த சிலநாட்களுக்கு முன் 'ஜுங்கா' வெளியாகிய நிலையில் அவரது தயாரிப்பில் உருவான 'மேற்கு தொடர்ச்சி மலை' திரைப்படம் வரும் வெள்ளியன்று அதாவது ஆகஸ்ட் 24ஆம் தேதி வெளியாகவுள்ளது.
இந்த நிலையில் விஜய்சேதுபதி நடிப்பில் மிகவும் எதிர்பார்ப்பிற்குரிய படங்களில் ஒன்றாகிய 'சீதக்காதி' படத்தின் ரிலீஸ் தேதியும் தற்போது அறிவிக்கப்பட்டுள்ளது.
தந்தை, மகன் என கேரக்டர்களில் விஜய்சேதுபதி நடித்துள்ள 'சீதக்காதி' திரைப்படம் வரும் அக்டோபர் மாதம் 5ஆம் தேதி வெளியாக அதிக வாய்ப்பு இருப்பதாகவும் இதுகுறித்த அறிவிப்பு மிக விரைவில் வெளியாகும் என்றும் தகவல்கள் வெளிவந்துள்ளது. இந்த படம் விஜய்சேதுபதியின் 25வது படம் என்பது குறிப்பிடத்தக்கது.
விஜய்சேதுபதி, பார்வதி, அர்ச்சனா, காயத்ரி உள்பட பலர் நடித்துள்ள இந்த படத்திற்கு கோவிந்த் மேனன் இசையமைக்கின்றார். 'நடுவுல கொஞ்சம் பக்கத்த காணோம்' படத்தை இயக்கிய பாலாஜி தரணீதரன் இயக்கத்தில் உருவாகி இருக்கும் இந்த படத்திற்கு சரஸ்காந்த் ஒளிப்பதிவும், கோவிந்தராஜ் படத்தொகுப்பும் செய்துள்ளனர்.