'மேற்கு தொடர்ச்சி மலை' என்ற தரமான படைப்பு, 'இமைக்கா நொடிகள்' படத்தில் நடித்த சிறப்பு வேடம், 'செக்க சிவந்த வானம்' படத்திற்காக பெற்ற பாராட்டு, இதையெல்லாம் தாண்டி '96' படத்தில் வெளிப்படுத்திய உச்சகட்ட நடிப்பு ஆகியவற்றுக்காக விஜய்சேதுபதியின் பெயர் தொடர்ந்து கடந்த சில மாதங்கள் ஊடகங்களின் டிரெண்டில் உள்ளது.

இந்த நிலையில் விஜய்சேதுபதி தற்போது 'நரசிம்மரெட்டி' படத்திற்காக ஜார்ஜியா சென்றுள்ளார் என்று வெளிவந்த செய்தியையும் இன்று பார்த்தோம். இந்த நிலையில் சற்றுமுன் விஜய்சேதுபதி நடித்து கொண்டிருக்கும் இன்னொரு திரைப்படமான 'சீதக்காதி' படத்தின் சிங்கிள் பாடல் ரிலீஸ் தேதி குறித்த அறிவிப்பு வெளிவந்துள்ளது.

இந்த படத்தின் சிங்கிள் பாடல் வரும் 15ஆம் தேதி மாலை 6 மணிக்கு வெளியாகும் என்று விஜய்சேதுபதி தன்னுடைய டுவிட்டர் பக்கத்தில் அறிவித்துள்ளார். 'நடுவுல கொஞ்சம் பக்கத்த காணோம்' இயக்குனர் பாலாஜி தரணிதரன் இயக்கத்தில் உருவாகி வரும் இந்த படத்தில் விஜய்சேதுபதியுடன் அர்ச்சனா, மகேந்திரன், மெளலி, பகவதி பெருமாள், ரம்யா நம்பீசன், காயத்ரி, பார்வதி நாயர் உள்ளிட்ட பலர் நடித்து வருகின்ரனர். கோவிந்த் வசந்தா இசையில் உருவாகி வரும் இந்த படத்தை 'பாஷன் ஸ்டுடியோஸ்' நிறுவனம் தயாரித்து வருகிறது.