రానా ప్రాజెక్ట్ లో అవకాశం దక్కించుకున్న శీరత్ కపూర్
- IndiaGlitz, [Tuesday,March 07 2017]
రీసెంట్‌గా రాజుగారి గ‌ది2 సినిమాలో డ్యాన‌ర్స్ రోల్ చేస్తున్న శీరత్ క‌పూర్‌కు ఇప్పుడు మరో మంచి అవకాశం వ‌చ్చింది. క్ష‌ణం వంటి సూప‌ర్‌హిట్ చిత్రాన్ని డైరెక్ట్ చేసిన ద‌ర్శ‌కుడు ర‌వికాంత్ పేరెపు ద‌ర్శక‌త్వంలో శీరత్ హీరోయిన్ న‌టింబోతుంది.
గుంటూరు టాకీస్ ఫేమ్ సిద్ధు జొన్న‌ల‌గ‌డ్డ హీరోగా న‌టించ‌నున్న ఈ సినిమాలో ముగ్గురు హీరోయిన్స్ ఉంటారు. అందులో ఓ హీరోయిన్‌గా శీర‌త్‌ను ఎంపిక చేసుకున్నార‌ట. ద‌గ్గుబాటి రానా ఇప్పుడు నిర్మాణ రంగంలోకి ఎంట‌ర్ అవుతున్నాడు. రానా, వ‌యాకామ్ సంస్థ‌లు సంయుక్తంగా ఈ సినిమాను నిర్మిస్తున్నారు. ఈ సినిమా స్క్రిప్ట్ అంతా పూర్త‌య్యింది. ప్ర‌స్తుతం ప్రీ ప్రొడ‌క్ష‌న్ ప‌నులు వేగంగా జ‌రుగుతున్నాయి.