சீனுராமசாமி இயக்கும் அடுத்த படம் குறித்த அறிவிப்பு!
- IndiaGlitz, [Wednesday,September 18 2019]
மக்கள் செல்வன் விஜய்சேதுபதி, காயத்ரி, 'ஜோக்கர்' குரு சோமசுந்தரம் உட்பட பலர் நடித்த 'மாமனிதன்' என்ற திரைப்படத்தை இயக்கி முடித்துள்ள இயக்குனர் சீனு ராமசாமி விரைவில் அந்த படத்தை ரிலீஸ் செய்ய இருப்பதாக சமீபத்தில் அறிவித்தார். இசைஞானி இளையராஜா மற்றும் யுவன்சங்கர் ராஜா ஆகியோர் இணைந்து இசையமைத்துள்ள இந்த படத்தை யுவன் சங்கர் ராஜா மற்றும் கே புரடொக்சன்ஸ் ஆகியோர் இணைந்து தயாரித்துள்ளனர். இந்த படம் அடுத்த மாதம் ரிலீஸ் ஆகும் என்று எதிர்பார்க்கப்படுகிறது.
இந்த நிலையில் சீனு ராமசாமி தனது அடுத்த படம் குறித்த அறிவிப்பை வெளியிட்டுள்ளார். சீனுராமசாமி இயக்கும் அடுத்த படத்தை ஒலிம்பியா மூவீஸ் நிறுவனத்தின் அமித் குமார் என்பவர் தயாரிக்கவிருப்பதாக சீனு ராமசாமி தனது சமூக வலைதளப் பக்கத்தில் தெரிவித்துள்ளார். ஒலிம்பியா மூவீஸ் அமித்குமார் ஏற்கனவே ராஜுமுருகன் இயக்கிய 'ஜிப்ஸி' என்ற படத்தை தயாரித்தவர் என்பது குறிப்பிடத்தக்கது. இந்த படம் தற்போது சென்சார் சான்றிதழ் வாங்க முடியாமல் சிக்கியுள்ளது. இந்த படத்தில் உள்ள அதிக காட்சிகளை வெட்ட வேண்டும் என சென்சார் அதிகாரிகள் தெரிவித்து இருப்பதால் ரிவைசிங் கமிட்டிக்கு செய்ய படக்குழுவினர் முடிவு செய்துள்ளனர் என்பது குறிப்பிடத்தக்கது.
சீனு ராமசாமி மற்றும் கொலம்பியா பிக்சர்ஸ் இணையும் புதிய படத்தில் நடிக்கும் நடிகர் நடிகைகள் மற்றும் தொழில்நுட்ப கலைஞர்கள் குறித்த அறிவிப்பு இன்னும் ஓரிரு நாட்களில் வெளியாகும் என்று எதிர்பார்க்கப்படுகிறது.
AFTER MAMANITHAN MY NEXT DIRECTORIAL VENTURE WITH OLYMPIA MOVIES* PRODUCED BY
— Seenu Ramasamy (@seenuramasamy) September 17, 2019
S AMETHKUMAR pic.twitter.com/SLphDM1TBX