விஜய்சேதுபதியை முந்திய அதர்வா
- IndiaGlitz, [Thursday,September 28 2017]
தேசிய விருது பெற்ற படத்தை இயக்கிய பிரபல இயக்குனர் சீனுராமசாமியின் 'தர்மதுரை' அனைத்து தரப்பு ரசிகர்களையும் கவர்ந்து சூப்பர் ஹிட் ஆகிய நிலையில் அவருடைய அடுத்த படத்திலும் விஜய்சேதுபதியே நடிப்பார் என்று கடந்த சில வாரங்களாக செய்திகள் வெளியானது
இந்த நிலையில் விஜய்சேதுபதி படத்திற்கு முன்னர் அதர்வா நடிப்பில் ஒரு படத்தை இயக்க சீனுராம்சாமி முடிவு செய்துள்ளார். இந்த படத்திற்கு 'ஒரு ஜீவன் அழைக்குது' என்ற டைட்டில் வைக்கப்பட்டுள்ளது. இந்த டைட்டில் அதர்வாவின் தந்தை முரளி நடித்த 'கீதாஞ்சலி' படத்தின் பாடல் ஒன்றின் வரி என்பது குறிப்பிடத்தக்கது
கிராமத்து பகுதியில் நடைபெறும் ஒரு த்ரில் சம்பவம் தான் இந்த படத்தின் கதை என்றும், இந்த படத்தின் படப்பிடிப்புகள் திருச்சி மற்றும் அதன் சுற்றுப்புறங்களில் படமாக்க திட்டமிட்டுள்ளதாகவும் சீனுராமசாமி தெரிவித்துள்ளார். மேலும் வரும் ஆயுதபூஜை தினத்தில் இந்த படத்திற்கான பூஜை நடைபெறும் என்றும் இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த தேர்வு நடைபெற்று வருவதாகவும் சீனுராமசாமி கூறியுள்ளார்.