சிவகார்த்திகேயன் நடிப்பில் இயக்குனர் பொன்ராம் இயக்கியுள்ள 'சீமராஜா' திரைப்படம் வரும் செப்டம்பர் 13ஆம் தேதி வெளியாகவுள்ளது. இந்த படம் வெளியாக இன்னும் 15 தினங்களுக்கும் மேல் இருக்கும் நிலையில் இப்போதே சென்னையில் உள்ள ஒரு முக்கிய திரையரங்கில் சிவகார்த்திகேயன் ரசிகர்கள் மிகப்பெரிய பேனர்களை வைக்க தொடங்கிவிட்டனர்.

இன்னும் இரண்டு வாரங்களில் 'இமைக்கா நொடிகள்' உள்பட வேறு சில படங்கள் ரிலீஸ் ஆகவுள்ள நிலையில் சிவகார்த்திகேயனின் 'சீமராஜா'வுக்கு சிறப்பான புரமோஷன்களை படக்குழுவினர்களும் ரசிகர்களும் ஆரம்பித்துவிட்டனர்.

அஜித், விஜய் படங்களுக்கு அடுத்தபடியாக பெரும் எதிர்பார்ப்பும், மாஸ் ஓப்பனிங் வ்சூலும் கடந்த சில வருடங்களாக சிவகார்த்திகேயனின் படங்களில் கிடைத்து வருவதால் விநியோகிஸ்தர்களும் திரையரங்க உரிமையாளர்களும் சிவகார்த்திகேயனின் படங்களை வெளியிடுவதில் அதிக ஆர்வம் காட்டி வருகின்றனர். குறிப்பாக 'வருத்தப்படாத வாலிபர் சங்கம்' மற்றும் 'ரஜினிமுருகன்' என இரண்டு ஹிட் படங்களை கொடுத்த கூட்டணியில் உருவான படம் 'சீமராஜா' என்பதால் இந்த படத்திற்கு மிகபெரிய எதிர்பார்ப்பு உள்ளது என்பது குறிப்பிடத்தக்கது.