ஐபிஎல் போட்டிக்கு எதிர்ப்பு தெரிவித்து நாம் தமிழர் கட்சியின் ஒருங்கிணைப்பாளர் சீமான் தலைமையில் நூற்றுக்கணக்கான நாம்தமிழர் கட்சி தொண்டர்கள் சென்னை அண்ணா சாலையை ஸ்தம்பிக்க வைத்துள்ளதால் பெரும் பரபரப்பு ஏற்பட்டுள்ளது.

இன்று ஐபிஎல் போட்டி சென்னையில் இரவு 8 மணிக்கு தொடங்கவுள்ள நிலையில் இரவு 7 மணிக்கு சேப்பாக்கம் மைதானத்தை முற்றுகையிடும் போராட்டம் நடைபெறும் என ஏற்கனவே சீமான் அறிவித்திருந்தார். இந்த நிலையில் திட்டமிட்டபடி சற்றுமுன் சீமான் மற்றும் நூற்றுக்கணக்கான நாம் தமிழர் தொண்டர்கள் சேப்பாக்கத்தை நோக்கி சென்றனர்

ஆனால் அவர்கள் அண்ணா சாலையிலேயே தடுத்து நிறுத்தப்பட்டுள்ளதால் அப்பகுதி போர்க்களம் போல் காட்சியளிக்கின்றது. நாம்தமிழர் கட்சியின் தொண்டர்களுக்கும் காவல்துறையினர்களுக்கும் இடையே தள்ளுமுள்ளு ஏற்பட்டுள்ளதால் பரபரப்பு ஏற்பட்டுள்ளது.

மேலும் அரசியல் கட்சிகளின் போராட்டம் காரணமாக ஹோட்டல்களில் தங்கியிருக்கும் வீரர்களை மைதானத்திற்குள் அழைத்து செல்வதிலும் சிக்கல் ஏற்பட்டுள்ளதாக கூறப்படுகிறது.