பகலவன் - கோபம்: இயக்குனர் சீமானின் அடுத்தகட்ட 2 திட்டங்கள்
- IndiaGlitz, [Thursday,April 06 2017]
பிரபல இயக்குனரும் நாம் தமிழர் கட்சியின் ஒருங்கிணைப்பாளருமான சீமான், கடந்த சில வருடங்களாக முழுக்க முழுக்க அரசியலில் கவனம் செலுத்தி வருகிறார். கடந்த 2008ஆம் ஆண்டு 'வாழ்த்துக்கள்' படத்தை இயக்கிய அவர் தற்போது மீண்டும் 9 வருடங்களுக்கு பின்னர் இயக்குனர் துறைக்கு ரீஎண்ட்ரி கொடுத்துள்ளார்.
விஜய் ஆண்டனி நடிக்கும் 'பகலவன்' படத்தை அவர் இயக்கவுள்ளார் என்ற செய்தியை ஏற்கனவே பார்த்தோம். இந்நிலையில் இந்த படத்தில் விஜய் ஆண்டனி போலீஸ் கேரக்டரில் நடிக்கவுள்ளதாக தகவல்கள் வெளிவந்துள்ளது.
அதே நேரத்தில் அவர் இன்னொரு படத்தையும் இயக்கவுள்ளதாகவும், இந்த படம் ஒரு அரசியல் த்ரில்லர் படமாக இருக்கும் என்றும் கூறப்படுகிறது. 'கோபம்' என்ற டைட்டில் வைத்திருப்பதாக கூறப்படும் இந்த படத்தில் ஜி.வி.பிரகாஷ் முக்கிய வேடத்தில் நடிக்கவுள்ளார் என்பது குறிப்பிடத்தக்கது.