14 ஆண்டுகள் கழித்து சின்மயிக்கு பயம் போனது எப்படி? சீமான் கேள்வி
- IndiaGlitz, [Monday,October 15 2018]
வைரமுத்து விவகாரம் குறித்து 14 ஆண்டுகள் கழித்து சின்மயி பேசியதன் பின்னணியில் அரசியல் இருப்பதாக நாம் தமிழர் கட்சியின் ஒருங்கிணைப்பாளர் சீமான் தெரிவித்துள்ளார்
வைரமுத்துவுக்கு அரசியல் செல்வாக்கு இருந்ததால் 14 ஆண்டுகள் அமைதியாக இருந்ததாக சின்மயி கூறுகிறார் என்றால் இப்போது மட்டும் அவருக்கு பயம் போனது எப்படி? அவருடைய பயத்தை போக்கிய அரசியல் செல்வாக்கு எது? என்பதை சிந்திக்க வேண்டும்
இந்த விவகாரத்தில் சட்டப்படி நடவடிக்கை எடுக்க முடியாது என்று சட்ட நிபுணர்கள் கூறியுள்ள நிலையில் அவரை அசிங்கப்படுத்த வேண்டும் என்ற ஒரே நோக்கத்தில் தான் இந்த குற்றச்சாட்டு பரப்பப்படுகிறது.
மேலும் வைரமுத்துவுக்கு தற்போது அரசியல் செல்வாக்கு இல்லை என்று யார் சொன்னது? முன்பைவிட இப்போதுதான் அவருக்கு அரசியல் செல்வாக்கு அதிகரித்துள்ளது. இவ்வாறு சீமான் கூறியுள்ளார்.