கடந்த ஆண்டு இந்தியா மற்றும் வெளிநாடுகளில் வெளியான 'சீக்ரெட் சூப்பர் ஸ்டார் திரைப்படம் மிகப்பெரிய வெற்றி பெற்று உலகம் முழுவதும் வசூலை அள்ளி குவித்தது. 'தங்கல் படத்தில் நடித்த ஜாய்ரா வாசிம் முக்கிய வேடத்திலும் அமீர்கான் சிறப்பு தோற்றத்திலும் நடித்த இந்த படம் ஜனவரி 19ஆம் தேதி சீனாவில் வெளியானது.

வெளியான 10வது நாளில் ரூ.400 கோடியும், இரண்டாவது வார முடிவில் ரூ.500 கோடியும் இந்த படம் சீனாவில் வசூல் செய்துள்ளது.

ஏற்கனவே அமீர்கான், ஜாய்ரா வாசிம் நடித்த 'தங்கல்' திரைப்படமும் சீனாவில் மிகப்பெரிய வசூலை பெற்றது என்பது குறிப்பிடத்தக்கது. இருப்பினும் 'தங்கல்' திரைப்படத்தின் முதல் வாரயிறுதி வசூலை முறியடித்து 'சீக்ரெட் சூப்பர் ஸ்டார்' திரைப்படம் சீனாவில் முதல்வாரயிறுதியில் ரூ.72.68 கோடி வசூல் செய்துள்ளதாக சீன பாக்ஸ் ஆபீஸ் தகவல்கள் தெரிவிக்கின்றன.