సెన్సార్ లోనూ గోప్యమే..
- IndiaGlitz, [Tuesday,April 18 2017]
ప్ర‌తిష్టాత్మ‌క‌మైన 'బాహుబ‌లి 2'ఏప్రిల్ 28న విడుద‌ల కానుంది. ప్ర‌భాస్‌, అనుష్క, త‌మ‌న్నా, రానా, స‌త్య‌రాజ్‌, నాజ‌ర్ త‌దిత‌రులు ప్ర‌ధాన తారాగ‌ణంగా న‌టించారు. విజువ‌ల్ వండ‌ర్‌గా రూపొందిన బాహుబ‌లి పార్ట్ 1 ఆరు వంద‌ల కోట్ల‌కు పైగా క‌లెక్ష‌న్స్ సాధించ‌డంతో పార్ట్ 2పై భారీ అంచ‌నాలు ఏర్ప‌డ్డాయి.
లెటెస్ట్ స‌మాచారం ప్ర‌కారం ఈ సినిమా తెలుగు సెన్సార్ కార్య‌క్ర‌మాల‌ను పూర్తి చేసుకుంద‌ట. మ‌రో విష‌య‌మేమంటే సెన్సార్‌లో వ‌చ్చిన స‌ర్టిఫికేట్ ఏంటో మాత్రం టీం తెలియ‌ప‌ర‌చ‌లేదు. ఎందుకంటే త‌మిళం, హిందీ, మ‌ల‌యాళం స‌హా అన్నీ భాష‌ల్లో సెన్సార్ కార్య‌క్ర‌మాలు పూర్తి అయిన త‌ర్వాతే అధికార‌క స‌మాచారం తెలియ‌చేస్తార‌ట. కానీ విశ్వ‌సనీయ వ‌ర్గాల స‌మాచారం ప్ర‌కారం 'యు/ఎ' స‌ర్టిఫికేట్‌ను పొందింది. సినిమా నిడివి 167 నిమిషాలు ఉంద‌ట.