'సైరా నరసింహా రెడ్డి' కోసం రెండోసారి..
- IndiaGlitz, [Sunday,April 15 2018]
మెగాస్టార్ చిరంజీవి క‌థానాయ‌కుడిగా సురేందర్ రెడ్డి దర్శకత్వంలో తెరకెక్కుతున్న సినిమా ‘సైరా నరసింహా రెడ్డి’. నయనతార కథానాయికగా నటిస్తున్న ఈ చిత్రంలో అమితాబ్ బచ్చన్, జగపతి బాబు, విజయ్ సేతుపతి, కిచ్చా సుదీప్ ముఖ్య పాత్రలు పోషిస్తున్నారు. ఈ సినిమాని మెగాపవర్ స్టార్ రామ్ చరణ్ నిర్మిస్తున్నారు. ప్రస్తుతం ఈ సినిమా శరవేగంగా చిత్రీకరణ జరుపుకుంటోంది. ఇదిలా ఉంటే.. ఈ సినిమాలో మిల్కీ బ్యూటీ తమన్నా కూడా నటిస్తోందని గ‌త కొద్ది రోజులుగా వార్తలు వస్తున్నాయి.
ఇందులో ఆమె చిరుకి జోడీగా సెకండ్ హీరోయిన్‌గా కనిపించనుందని అంతా అనుకున్నారు. అయితే.. చిరుకి జంటగా కాకుండా తమిళ నటుడు విజయ్ సేతుపతికి జంటగా తమన్నా నటిస్తోందని తెలిసింది. గతంలో తమిళ చిత్రం ‘ధర్మదురై’ (2016) కోసం తమన్నా, విజయ్ సేతుపతి జంటగా నటించారు. మళ్ళీ ఇప్పుడు ‘సైరా’ కోసం వీరిద్దరూ జంటగా నటించ‌నున్నార‌న్న‌మాట. ఈ సినిమాలో వీరిద్దరి పాత్ర తీరు తెన్నులేమిటనే విష‌యంపై త్వరలోనే క్లారిటీ రానుంది. కాగా.. ఈ చిత్రాన్ని వచ్చే ఏడాదిలో ప్రేక్షకుల ముందుకు తీసుకురానున్నారు.