సెకండాఫ్ నాగ్ ఫ్యామిలీదే..
- IndiaGlitz, [Thursday,June 07 2018]
ఈ ఏడాది ఫ‌స్టాఫ్‌లో అక్కినేని ఫ్యామిలీకి చెందిన హీరోల నుంచి ఒక సినిమా మాత్ర‌మే విడుద‌లైంది. అదే ఆఫీస‌ర్‌. ఈ సినిమా అక్కినేని అభిమానుల‌ను నిరాశ‌ప‌రిచింది. అయితే.. ఈ ఏడాది సెకండాఫ్‌లో మాత్రం నాగ్ ఫ్యామిలీ నుంచి చెప్పుకోద‌గ్గ సంఖ్య‌లో సినిమాలు రాబోతున్నాయి.
నాగార్జున న‌టిస్తున్న మ‌ల్టీస్టార‌ర్ మూవీ వినాయ‌క చ‌వితికి రానుండ‌గా.. నాగ‌చైత‌న్య న‌టిస్తున్న స‌వ్య‌సాచి, శైల‌జా రెడ్డి అల్లుడు.. అఖిల్ హీరోగా తొలి ప్రేమ ద‌ర్శ‌కుడు వెంకీ అట్లూరి రూపొందిస్తున్న చిత్రం.. సుమంత్ 24వ చిత్రం ఇదం జ‌గ‌త్‌, 25వ చిత్రం సుబ్ర‌మ‌ణ్య పురం.. సుశాంత్ న‌టిస్తున్న చిల‌సౌ కూడా ఈ ఏడాది ద్వితీయార్థంలో విడుద‌ల కానున్నాయి. మ‌రి వీటిలో ఏ ఏ చిత్రాలు మంచి విజ‌యం సాధిస్తాయో తెలియాలంటే మ‌రి కొన్నాళ్ళు వేచి చూడాల్సిందే.