ఏదేమైనా అక్క మంత్రం త‌మ్ముడు అమ‌న్‌కు బాగానే వ‌ర్క‌వుట్ అవుతుంది. చిన్న సినిమాలు చేయాల‌నుకుంటున్న నిర్మాత‌లంద‌రూ అమ‌న్ ద‌గ్గ‌ర‌కు క్యూ క‌డుతున్న‌ట్లు క‌న‌ప‌డుతుంది. వివ‌రాల్లోకెళ్తే.. ర‌కుల్ ప్రీత్ సింగ్ త‌మ్ముడు అమ‌న్ క‌థానాయ‌కుడిగా రీసెంట్‌గా ఓ సినిమా స్టార్ట్ అయ్యింది. త‌ర్వ‌లోనే సినిమా సెట్స్‌లోకి వెళ్ల‌నుంది.

అయితే అప్పుడే అమ‌న్ రెండో సినిమాకు రంగం సిద్ధ‌మైంది. త్వ‌ర‌లోనే పూజా కార్య‌క్ర‌మాలు ప్రారంభం కానున్నాయి. శ్రీ కొనేరు ప్రొడ‌క్ష‌న్స్‌, ఈశ్వ‌రీ ఆర్ట్స్ బ్యాన‌ర్స్‌పై సాయికిర‌ణ్ కొనేరు, శ్రీధ‌ర్ బాబు నిర్మాత‌లుగా వెంక‌ట్ బోను ద‌ర్శ‌కుడిగా ఈ సినిమా రూపొంద‌నుంది. ఈ విష‌యాన్ని ర‌కుల్ త‌న ఇన్‌స్టా అకౌంట్ ద్వారా అనౌన్స్ చేసింది. తొలి సినిమా సెట్స్‌లోకి వెళ్ల‌క‌ముందే మ‌రో సినిమా సెట్స్‌కు వెళుతుండ‌టం ప‌ట్ల త‌న సంతోషాన్ని వ్య‌క్తం చేసింది ర‌కుల్‌.