డాక్ట‌రుగా ఉండి ప్రొడ్యూస‌ర్‌గా మారిన డాక్ట‌ర్ ర‌వికిర‌ణ్ తొలి ప్ర‌య‌త్నంగా చేసిన చిత్రం `స‌ప్త‌గిరి ఎక్స్‌ప్రెస్‌`. సినిమా నిర్మాత ర‌వికిర‌ణ్‌కు పెద్ద లాభాల‌ను తెచ్చిపెట్ట‌క‌పోయినా న‌ష్టాల‌ను కూడా పెద్ద‌గా తెచ్చిపెట్ట‌లేదు. దీంతో ఇప్పుడు డా.ర‌వికిర‌ణ్ మ‌రో సినిమాను స్టార్ట్ చేయ‌బోతున్నాడ‌ట‌. ఈ సినిమాకు క‌థ పైన‌లైజ్ అయ్యింది. ఇందులో కూడా హీరోగా స‌ప్త‌గిరి న‌టిస్తాడు. క్యారెక్ట‌ర్ బేస్‌డ్ మూవీ.

స‌ప్త‌గిరి ఎక్స్‌ఫ్రెస్ కంటే రిచ్‌గా సినిమాను నిర్మిస్తాన‌ని నిర్మాత ర‌వికిర‌ణ్ చెప్పారు. దీనితో పాటు విక్ర‌మ్ హీరోగా, గౌత‌మ్ వాసుదేవ్ మీన‌న్ తెర‌కెక్కిస్తున్న ధృవ‌న‌క్ష‌త్రం సినిమాను కూడా తెలుగు డా.ర‌వికిర‌ణ్ త‌న బ్యాన‌ర్ సాయి సెల్యులాయిడ్‌ సినిమాటిక్‌ క్రియేషన్స్‌ ప్రై.లి పై తెలుగులో విడుద‌ల చేయ‌బోతున్నార‌ట‌. ఈ విష‌యాల‌ను ఆదివారం జ‌రిగిన స‌ప్త‌గిరి 50 రోజుల వేడుక‌లో తెలియ‌జేశారు.