தனுஷின் 'பவர்பாண்டி'யுடன் கனெக்சன் ஆன செளந்தர்யா ரஜினி படம்
- IndiaGlitz, [Tuesday,October 04 2016]
சூப்பர் ஸ்டார் ரஜினிகாந்த் அவர்களின் இளைய மகளும், இந்தியாவின் முதல் மோஷன் கேப்ட்சர் திரைப்படமான 'கோச்சடையான்' பட இயக்குனருமான செளந்தர்யா ரஜினிகாந்த், 'நிலவுக்கு என் மேல் எத்தனை கோபம்' என்ற படத்தை இயக்கவுள்ளார் என்பதையும், இந்த படத்தை பிரபல தயாரிப்பாளர் கலைப்புலி எஸ்.தாணு தயாரிக்கவுள்ளார் என்பதையும் ஏற்கனவே பார்த்தோம்.
இந்நிலையில் இந்த படத்தின் நடிகர், நடிகையர் மற்றும் தொழில்நுட்ப கலைஞர்களின் தேர்வு நடைபெற்று வரும் நிலையில் இந்த படத்திற்கு சீன் ரோல்டன் இசையமைக்கவுள்ளதாக கூறப்படுகிறது.
ஏற்கனவே இவர் இசையமைத்த 'ஜோக்கர்' சூப்பர் ஹிட் ஆனது என்பதும், தனுஷ் இயக்கி வரும் முதல் படமான பவர்பாண்டி' படத்திற்கு இசையமைத்து வருகிறார் என்பதும் குறிப்பிடத்தக்கது.