வங்கக்கடலில் உருவாகியுள்ள 'நாடா' புயல் காரணமாக நாளையும் நாளை மறுநாளும் கனமழை பெய்யும் என வானிலை மையம் அறிவித்துள்ளது. இதனையடுத்து சென்னை, காஞ்சிபுரம், திருவள்ளூர், நாகை, கடலூர் ஆகிய 5 மாவட்டங்களுக்கு நாளையும் நாளை மறுதினமும் அதாவது டிசம்பர் 1 மற்றும் 2ஆம் தேதி பள்ளிகளுக்கு விடுமுறை அளிப்பதாக பள்ளி கல்வித்துறை அறிவித்துள்ளது.

மேலும் விழுப்புரம் மாவட்டத்தில் மரக்காணம், வானூர் என இரண்டு தாலுகாக்களைச் சேர்ந்த பள்ளிகளுக்கும் பள்ளிக் கல்வித்துறை விடுமுறை அளித்துள்ளது.

இதேபோல் புதுச்சேரி மற்றும் காரைக்கால் பகுதியில் உள்ள பள்ளி மற்றும் கல்லூரிகளுக்கு 2 நாட்கள் விடுமுறை அளிப்பதாக பள்ளிக்கல்வித் துறை அமைச்சர் கமலக்கண்ணன் அறிவித்துள்ளார்.

நாளை மறுநாள் சென்னை மற்றும் வேதாரண்யம் ஆகிய பகுதிகளுக்கு இடையே புயல் கரையை கடக்கவுள்ளதால் முன்னெச்செரிக்கை நடவடிக்கையாக விடுமுறை அளிக்கப்பட்டுள்ளது என்பது குறிப்பிடத்தக்கது.