இயக்குனர் விஜய் இயக்கிய 'வனமகள்' என்ற ஒரே தமிழ் படத்தில் நடித்திருந்தாலும் கோலிவுட் திரையுலகின் இன்றைய ஹாட் டாக் நடிகை சாயீஷாதான். முதல் படம் சுமாராக ஓடியபோதிலும் அடுத்தடுத்து முன்னணி நடிகர்களுடன் நடிக்கும் வாய்ப்பை பெற்றார். தற்போது கார்த்தியுடன் 'கடைக்குட்டி சிங்கம்' , விஜய்சேதுபதியுடன் 'ஜூங்கா' மற்றும் ஆர்யாவுடன் 'கஜினிகாந்த்' ஆகிய திரைப்படங்களில் சாயிஷா நடித்து முடித்துள்ளார்.

இந்த மூன்று படங்களுமே நல்ல எதிர்ப்பார்ப்பிற்குரிய படங்கள் என்பதால் இந்த மூன்று படங்களும் வெற்றி பெற்றால் சாயிஷா முன்னணி இடத்தை பிடித்துவிடுவார் என்றே கருதப்படுகிறது. மேலும் பொதுவாக நடிகைகள் தாங்கள் நடித்த படங்களின் புரமோஷன்களில் கலந்து கொள்வதில்லை என்ற குற்றச்சாட்டு இருந்து வருகிறது. ஆனால் சாயீஷா, சமீபத்தில் நடந்த 'கடைக்குட்டி சிங்கம் மற்றும் 'ஜுங்கா' படங்களின் இசை வெளியீட்டில் கலந்து கொண்டு விழாவினை சிறப்பித்தார்.

இந்த ஆண்டில் ஹாட்ரிக் வெற்றி பெற வேண்டும் என்ற முனைப்பில் சாயீஷா தான் நடித்த படங்களின் புரமோஷன்களில் கலந்து கொண்டு படத்தின் விளம்பரத்திற்கு உதவி வருவதால் தயாரிப்பாளர்கள் மகிழ்ச்சி அடைந்துள்ளனர்.