நான் ஒரு கோழை என்றும் எனது அம்மா அடி வாங்கும் போது நான் வேடிக்கை பார்த்துக் கொண்டு இருந்தேன் என்றும் பிரபல நடிகர் ஒருவர் சமீபத்தில் அளித்த பேட்டியில் கூறியிருப்பது பெரும் பரபரப்பை ஏற்படுத்தி உள்ளது

பிரபல ஹாலிவுட் நடிகரும் ஆஸ்கார் விருது பெற்றவருமான வில்ஸ்மித் சமீபத்தில் ஊடகம் ஒன்றுக்கு பேட்டி அளித்தார். அப்போது ’நான் எனது வாழ்க்கையில் பெரும்பாலான நேரத்தில் கோழையாக இருந்துள்ளேன் என்றும் குறிப்பாக நான் ஒன்பது வயதாக இருந்தபோது எனது அப்பா எனது அம்மாவை தினந்தோறும் அடிப்பார் என்றும் அதை வேடிக்கை பார்த்துக் கொண்டு அவரை எதிர்த்து தட்டி கேட்க கூட முடியாத கோழையாக நான் இருந்தேன் என்றும் கூறியுள்ளார்.

இந்த பேட்டி சமீபத்தில் நடந்த ஆஸ்கார் விழாவிற்கு முன்பு எடுக்கப்பட்டது என்பது குறிப்பிடத்தக்கது. சமீபத்தில் நடந்த ஆஸ்கார் விருது வழங்கும் விழாவின் போது நடிகர் வில்ஸ்மித் தனது மனைவியை சர்ச்சைக்குரிய வகையில் விமர்சனம் செய்ததற்காக தொகுப்பாளரின் கன்னத்தில் அறைந்தார் என்பது குறிப்பிடத்தக்கது.