'సవ్యసాచి' వాయిదా పడుతోందా?
- IndiaGlitz, [Sunday,May 06 2018]
నాగ చైతన్య, నిధి అగర్వాల్ హీరోహీరోయిన్లుగా నటిస్తున్న చిత్రం ‘సవ్యసాచి’. చందు మొండేటి దర్శకత్వం వహిస్తున్న ఈ చిత్రాన్ని మైత్రీ మూవీ మేకర్స్ సంస్థ నిర్మిస్తోంది. సిస్టర్ సెంటిమెంట్‌తో తెరకెక్కుతున్న ఈ సినిమాలో సీనియ‌ర్ క‌థానాయిక భూమిక, తమిళ నటుడు మాధవన్ కీలక పాత్రల్లో నటిస్తున్నారు. యు.ఎస్.లో చిత్రీకరించనున్న తుది షెడ్యూల్ మినహా.. మిగిలిన చిత్రీకరణను పూర్తిచేసుకుందీ చిత్రం.
ఇదిలా ఉంటే.. జూన్‌లో విడుదల కావలసిన ఈ చిత్రం.. కొన్ని కార‌ణాల వ‌ల్ల జూలైలో రిలీజ్ అయ్యే అవకాశాలున్నట్టు వార్తలు వినిపిస్తున్నాయి. అయితే దీనిపై చిత్ర బృందం నుంచి ఎటువంటి అధికారిక ప్రకటన వెలువడలేదు. త్వరలోనే దీనిపై చిత్ర యూనిట్ స్పందించే అవకాశం ఉన్నట్టు తెలుస్తోంది. కాగా.. స్వ‌ర‌వాణి ఎం.ఎం.కీర‌వాణి సంగీత‌మందిస్తున్న ఈ చిత్రం కోసం.. నాగార్జున న‌టించిన అల్లరి అల్లుడు చిత్రంలోని నిన్ను రోడ్డు మీద చూసినాది అనే పాట‌ను రీమిక్స్ చేస్తున్నారు.