தமிழகத்தில் சட்டப்பேரவை தேர்தலுக்கான தீவிரப் பிரச்சாரம் நடைபெற்று வருகிறது. இந்நிலையில் பிரதான வேட்பாளர்கள் தாங்கள் நிற்கும் தொகுதிகளில் எப்படியாவது வெற்றி வாய்ப்பை பெற்றுவிட வேண்டும் எனக் கருதி எதிர்க் கட்சிகளுடன் ரகசிய உடன்பாடு வைத்து இருக்கலாம் என்ற சந்தேகத்தை அரசியல் விமர்சகர் சவுக்கு சங்கர் அவர்கள் கிளப்பி உள்ளார். இதுகுறித்து அவர் அளித்த பிரத்யேக வீடியோ தற்போது சமூக வலைத்தளங்களில் தனிக் கவனம் பெற்று இருக்கிறது.

தமிழகம் மட்டுமல்லாது இந்தியாவின் பெரும்பாலான மாநிலங்களில் அரசியல் வாரிசுகள் தேர்தலின் போது ஆதிக்கம் செலுத்தி வருகின்றனர். இப்படியான வாரிசுகள் முதன் முறையாக அரசியல் களத்தில் நிற்கும்போது அவர்கள் தேர்ந்தெடுக்கும் தொகுதி மற்றும் அந்தத் தொகுதிகளில் எதிர் வேட்பாளராக நிற்க போகும் எதிரணி வேட்பாளருடன் ரகசிய உறவு இருப்பதற்கான சாத்தியம் அதிகமாக இருக்கிறது என்ற கணிப்பு எப்போதும் இருந்து வருகிறது.

அந்த வகையில் தற்போது தமிழகத்தின் சட்டப்பேரவை தேர்தலில் கூட தமிழகத்தின் நட்சத்திர வேட்பாளர்கள் நிற்கும் தொகுதிகளில் எதிரணி வேட்பாளர்கள் இளமையாகவும் அதே நேரத்தில் முக்கியத்துவம் இல்லாத வேட்பாளராக இருப்பது குறித்தும் கேள்வி எழுப்பப்படுகிறது. இந்தக் கேள்விகளுக்குப் பின்னால் ஒளிந்து இருக்கும் அரசியல் பின்னணியை சவுக்கு சங்கர் அவர்கள் நமக்கு விளக்கி இருக்கிறார்.

மேலும் ஒரு தொகுதியில் நிற்கும் நட்சத்திர வேட்பாளருக்காக ஒரு பெரும் கட்சி தனது எதிரணி கட்சிகளுடன் ரகசிய உறவு வைத்துக் கொள்வதை எப்படி சாத்தியமாக்குகிறது என்ற அரசியல் பின்புலத்தையும் அவர் விளக்கி காட்டி இருக்கிறார். இப்படியான கேள்விகளுக்கு இடையில் தமிழக அரசியலின் ஆழம் மற்றும் ரகசியம் அனைத்தும் புலப்படுகிறது. அந்த வகையில் இந்த வீடியோ தற்போது தனிக்கவனம் பெற்று இருப்பதும் குறிப்பிடத்தக்கது.