சியான் விக்ரம் நடிப்பில் கார்த்திக் சுப்பராஜ் இயக்கத்தில் உருவாகியுள்ள ‘மஹான்’ திரைப்படத்தின் படப்பிடிப்பு சமீபத்தில் முடிவடைந்தது என்பதும் சமீபத்தில் வெளியான இந்த படத்தின் பர்ஸ்ட் லுக் போஸ்டர் மிகப்பெரிய வரவேற்பை பெற்றது என்பதும் தெரிந்ததே

இந்த நிலையில் தற்போது இந்த படத்தின் டப்பிங் பணிகள் ஆரம்பமாகி உள்ளதாக தகவல்கள் வெளிவந்துள்ளன. முதல்கட்டமாக இந்த படத்தின் நாயகிகளில் ஒருவரான சிம்ரன் பகுதியின் பணிகள் நடைபெற்று வருகின்றன. பிரபல டப்பிங் ஆர்ட்டிஸ்ட் சவிதா ராதாகிருஷ்ணன், சிம்ரன் பகுதிக்கு டப்பிங் செய்து வருகிறார்

இதுகுறித்து அவர் தனது சமூக வலைத்தளத்தில் கூறியிருப்பதாவது ‘மஹான்’ படத்தில் என்ன ஒரு அருமையான சிம்ரன் நடிப்பு. பொருத்தமான இடத்தில் நிறுத்தி, மன அழுத்தத்தை பிரமாதமாக தனது நடிப்பின் மூலம் வெளிப்படுத்தியிருக்கும் புத்திசாலித்தனமான நடிகை மற்றும் கடின உழைப்பாளி’ என்று தெரிவித்துள்ளார்.

விக்ரம், துருவ் விக்ரம், சிம்ரன், வாணீபோஜன், பாபிசிம்ஹா நடிப்பில் சந்தோஷ் நாராயணன் இசையில் உருவாகியுள்ள இந்த படத்தை செவன் ஸ்க்ரீன் ஸ்டுடியோ நிறுவனத்தின் லலித்குமார் தயாரித்துள்ளார்.

View this post on Instagram

A post shared by savitha Reddy (@savitha.radhakrishnan)