சிவகார்த்திகேயன் நடித்து தயாரித்துள்ள 'கனா' திரைப்படம் பலத்த போட்டிகளுக்கு இடையே வரும் 21ஆம் தேதி வெளியாகவுள்ளது. பெண் கிரிக்கெட் வீராங்கனையாக ஐஸ்வர்யா ராஜேஷ் இந்த படத்தில் நடித்துள்ளார். அவர் இந்த கேரக்டருக்காக எடுத்துள்ள கடினமான முயற்சிகள், டீசர் மற்றும் டிரைலரில் தெரிந்ததால் இந்த படத்திற்கு நல்ல எதிர்பார்ப்பு ஏற்பட்டுள்ளது.

இந்த நிலையில் இந்த படத்தில் ஐஸ்வர்யா ராஜேஷின் தந்தையாக சத்யராஜ் குணசித்திர கேரக்டரில் நடித்துள்ளார் என்பது தெரிந்ததே. தற்போது அவர் இந்த படத்தில் 'முருகேசன்' என்ற கேரக்டரில் நடித்துள்ளதாக படக்குழுவினர் சற்றுமுன் அறிவித்துள்ளனர். ஏற்கனவே இந்த படத்தில் கெளசல்யா முருகேசன் என்ற கேரக்டரில் ஐஸ்வர்யா ராஜேஷ் நடித்துள்ளதாக படக்குழுவினர் அறிவித்திருந்தனர் என்பது குறிப்பிடத்தக்கது

திபு நைனன் தாமஸ் இசையில் தினேஷ் கிருஷ்ணன் ஒளிப்பதிவில், ஆண்டனி எல் ரூபன் படத்தொகுப்வில் இந்த படம் உருவாகியுள்ளது. இந்த படத்தை சிவகார்த்திகேயனின் நண்பரும், பாடகர் மற்றும் பாடலாசிரியருமான அருண்ராஜா காமராஜ் இயக்கியுள்ளார்.