விஜய் வில்லனுடன் இணையும் ராகவா லாரன்ஸ்
- IndiaGlitz, [Thursday,November 12 2015]
'காஞ்சனா 2' என்ற சூப்பர் ஹிட் படத்திற்கு பின்னர் ராகவா லாரன்ஸ் தற்போது நடிக்கவுள்ள படம் 'மொட்ட சிவா கெட்ட சிவா. இந்த படத்தை 'சிங்கம் புலி' இயக்குனர் சாய் ரமணி இயக்கவுள்ளார். சூப்பர் குட் பிலிம்ஸ் நிறுவனம் தயாரிக்கும் இந்த படம் தெலுங்கில் சூப்பர் ஹிட் ஆன 'பட்டாஸ்' படத்தின் ரீமேக் என்பது குறிப்பிடத்தக்கது.
இந்நிலையில் இந்த படத்தில் தற்போது சத்யராஜ் மற்றும் சதீஷ் இருவரும் இணைந்துள்ளதாக கூறப்படுகிறது. ஏற்கனவே சத்யராஜ், விஜய் நடித்து வரும் 'விஜய் 59' படத்தில் வில்லனாக நடித்து வரும் நிலையில் தற்போது 'மொட்ட சிவா கெட்ட சிவா' படத்திலும் ஒப்பந்தமாகியுள்ளார் என்பது குறிப்பிடத்தக்கது. மேலும் கோவை சரளா, ஸ்ரீமான், தேவதர்ஷினி, மனோபாலா உள்பட பலர் இந்த படத்தில் நடிக்கின்றனர்.
பழம்பெரும் நடிகை ஜெயசித்ராவின் மகன் அம்ரீஷ் இசையமைக்கும் இந்த படத்தினை பிரவீன் கே.எல் எடிட்டிங் செய்கிறார். அடுத்த வாரம் முதல் இந்த படத்தின் படப்பிடிப்பு ஆரம்பமாகவுள்ளதாகவும், படப்பிடிப்பு ஐதராபாத், ஹாங்காங், சுவிட்சர்லாந்து ஆகிய இடங்களில் நடத்த திட்டமிடப்பட்டிருப்பதாகவும் கூறப்படுகிறது.