கோலிவுட் திரையுலகில் விஜயகாந்த், கமல்ஹாசன், ரஜினிகாந்த், டி.ராஜேந்தர், உள்பட பலர் அரசியலுக்கு வந்துவிட்டார்கள். ஆனால் இவர்கள் அனைவருடனும் நடித்தவரும், பல திரைப்படங்களில் அரசியல்வாதி கேரக்டரில் நடித்தவருமான நடிகர் சத்யராஜ், பல மேடைகளில் அரசியல் பேசினாலும் இன்னும் நேரடி அரசியலுக்கு வரவில்லை

இந்த நிலையில் நமக்கு அளித்த பிரத்யேக பேட்டியில் தான் ஏன் அரசியலுக்கு வரவில்லை என்ற காரணத்தை கூறியுள்ளார். அவர் கூறியதாவது: 'எனக்கு ஓட்டு அரசியல் என்பதில் விருப்பமில்லை. என்னால் யாருக்கும் அடிமையாக இருக்க முடியாது. மக்களுக்கு கூட என்னால் அடிமையாக இருக்க முடியாது. மனதில் என்ன தோணுகிறதோ அதை பேசுகிறேன், அதையே ரசிக்கின்றேன். என்னுடைய கேரக்டரே இதுதான் என்று கூறியுள்ளார்.

சத்யராஜ் நேரடியாக அரசியலுக்கு வரவில்லை என்றாலும் அரசியலுக்கு வரும் நடிகர்களை அவர் விமர்சிக்க தயங்குவதில்லை. சமீபத்தில் ஒரு கூட்டத்தில் நடிகர் சத்யராஜ் பேசியபோது, 'பிரபல நடிகர்களுக்கு எல்லாம் தெரியும் என்று யார் கருதினாலும் அது தவறாகவே முடியும். நடிகர்கள் அரசியலில் தோற்பது அவர்களுக்கும் நல்லது, மக்களுக்கும் நல்லது” என்று கூறியிருந்தார்.