தமிழ் திரையுலகின் முன்னணி தயாரிப்பு நிறுவனங்களில் ஒன்றான ஏஜிஎஸ் நிறுவனம் தயாரிக்கும் அடுத்த திரைப்படத்தில் பிரபல நடிகர் சத்யராஜ் ஒப்பந்தமாகி உள்ளதாக அதிகாரப்பூர்வமாக அறிவிக்கப்பட்டுள்ளது.

தளபதி விஜய் நடித்த ’பிகில்’ உள்பட பல வெற்றிப் படங்களை தயாரித்த ஏஜிஎஸ் நிறுவனம் தற்போது புதிய படம் ஒன்றை தயாரிக்க உள்ளது. இந்த படத்தை ’கோமாளி’ பட இயக்குநர் பிரதீப் ரங்கநாதன் இயக்க உள்ளார் என்பது குறிப்பிடத்தக்கது.

இந்த படத்தின் இசையமைப்பாளராக யுவன்சங்கர்ராஜா ஒப்பந்தம் செய்யப்பட்டார் என்ற தகவல் நேற்று வெளியான நிலையில் தற்போது இந்த திரைப்படத்தில் சத்யராஜ் முக்கிய கேரக்டரில் நடிக்க உள்ளதாக அறிவிக்கப்பட்டுள்ளது. இந்த படத்தின் ஹீரோ மற்றும் ஹீரோயின் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.

ஏஜிஎஸ் நிறுவனத்தின் சார்பில் கல்பாத்தி அகோரம், கல்பாத்தி கணேஷ் மற்றும் கல்பாத்தி சுரேஷ் ஆகியோர் தயாரிக்கும் இந்த படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது.

-@Ags_production #Production22#KalpathiAghoram #KalpathiGanesh #KalpathiSuresh @agscinemas @archanakalpathi @aishkalpathi

welcomes #Sathyaraj Sir on board❤️

A @pradeeponelife Show@thisisysr @venkat_manickam @Sibi_Sathyaraj @onlynikil pic.twitter.com/tMzOZ8xBZK

— Diamond Babu (@idiamondbabu) December 21, 2021