'பொன்னியின் செல்வன்' படத்தில் முக்கிய வேடத்தில் சத்யராஜ்!
- IndiaGlitz, [Saturday,April 13 2019]
மணிரத்னம் இயக்கவுள்ள மல்டிஸ்டார் படமான 'பொன்னியின் செல்வன்' திரைப்படத்தில் வந்தியத்தேவனாக கார்த்தி, குந்தவையாக கீர்த்தி சுரேஷ், பூங்குழலியாக நயன்தாரா, சுந்தரசோழனாக அமிதாப்பச்சன், ஆதித்த கரிகாலனாக விக்ரம், நந்தினியாக ஐஸ்வர்யாராய், அருள்மொழிவர்மனாக ஜெயம் ரவி ஆகியோர் நடிக்கவுள்ளதாக கூறப்படுகிறது.
இந்த நிலையில் இந்த நாவலின் முக்கிய கேரக்டர்களில் ஒன்றான பெரிய பழுவேட்டரையர் வேடத்தில் மோகன்பாபு நடிக்கவிருப்பதாக கூறப்பட்டது. ஆனால் தற்போது வெளிவந்துள்ள புதிய தகவலின்படி இந்த கேரக்டரில் சத்யராஜ் நடிக்கவிருப்பதாக கூறப்படுகிறது.
மேலும் சின்ன பழுவேட்டரையர், ஆழ்வார்க்கடியான், அநிருத்த பிரம்மராயர், செம்பியன் மாதவி, மதுராந்தக தேவர், வீரபாண்டியன், பார்த்திபேந்திர பல்லவன், மந்தாகினி, சேந்தன் அமுதன், ஊமை பெண், கந்தமாறன், மணிமேகலை ஆகிய கேரக்டர்களுக்கு நட்சத்திரங்கள் விரைவில் தேர்வு செய்யப்படும் என தெரிகிறது. இந்த படத்தை மணிரத்னம் இரண்டு பாகங்களாக இயக்க திட்டமிட்டுள்ளார்.