கோலிவுட் திரையுலகின் முன்னணி தயாரிப்பு நிறுவனங்களில்ஒன்றாகிய சத்யஜோதி நிறுவனம் தல அஜித் நடித்த 'விவேகம்' திரைப்படத்தை மிகவும் பிரமாண்டமாக தயாரித்து சமீபத்தில் உலகம் முழுவதும் ரிலீஸ் செய்தது. இந்த படத்தின் வசூல் புதிய சாதனைகளை செய்துள்ள நிலையில் தற்போது இந்நிறுவனம் இரண்டு புதிய படங்களை தயாரிக்க திட்டமிட்டுள்ளது

சத்யஜோதி நிறுவனம் தயாரிக்கவிருக்கும் அடுத்த படத்தில் சத்யராஜ் முக்கிய கேரக்டரிலும், இன்னொரு படத்தில் ஹிப்ஹாப் தமிழா ஆதி முக்கிய கேரக்டரிலும் நடிக்கவுள்ளதாக செய்திகள் வெளிவந்துள்ளது. இதில் ஒரு படத்தை 'குற்றம் கடிதல்' படத்தின் திரைக்கதை ஆசிரியரும், இன்னொரு படத்தை 'காக்கா முட்டை' படத்தின் திரைக்கதை ஆசிரியரும் இயக்க வாய்ப்பு இருப்பதாக கூறப்படுகிறது.

இந்த இரண்டு படங்களின் ஆரம்பகட்ட பணிகள் விரைவில் தொடங்கவிருப்பதாகவும் இந்த படங்கள் குறித்த தகவல்கள் மிகவிரைவில் வெளிவரவுள்ளதாகவும் கூறப்படுகிறது