அஜித் நடித்த விவேகம், விஸ்வாசம் தனுஷ் நடித்த பட்டாஸ்’ திரைப்படங்களை சமீபத்தில் தயாரித்த முன்னணி தயாரிப்பு நிறுவனங்களில் ஒன்றான சத்யஜோதி பிலிம்ஸ் நிறுவனம் தற்போது தனுஷ் நடிப்பில் ’ராட்சசன்’ பட இயக்குனர் ராம்குமார் இயக்கத்தில் உருவாகும் படத்தை தயாரிக்க உள்ளது.

இந்த நிலையில் சத்யஜோதி பிலிம்ஸ் நிறுவனத்தின் புதிய படம் ஒன்றின் அறிவிப்பு தற்போது வெளிவந்துள்ளது. சத்யஜோதி பிலிம்ஸ் நிறுவனம் முதல் முறையாக ஒரு கன்னட திரைப்படத்தை தயாரிக்க உள்ளது. இந்த படத்தில் கன்னட சூப்பர் ஸ்டார் புனித் ராஜ்குமார் நடிக்க உள்ளார்.

’ஷிவானா 123’ என்ற டைட்டில் வைக்கப்பட்டுள்ள இந்த படத்தின் பூஜை இன்று காலை நடைபெற்றது. இந்த பூஜையில் பெங்களூரு கமிஷனர் பாஸ்கர் ராவ் உள்பட பலர் கலந்து கொண்டனர். இந்த படத்தை ரவி அரசு என்பவர் இயக்கவுள்ளார். இவர் ஏற்கனவே அதர்வா நடித்த ’ஈட்டி’, ஜிவி பிரகாஷ் நடித்த ’ஐங்கரன்’ ஆகிய படங்களை இயக்கியவர் என்பது குறிப்பிடத்தக்கது.

சரண்ராஜ் இசையில் சரவணன் அபிமன்யு ஒளிப்பதிவில் ஹரிஷ் படத்தொகுப்பில் இந்த படம் உருவாக உள்ளது என்பது குறிப்பிடத்தக்கது. இந்த படத்தில் நடிக்கும் நடிகர், நடிகையர் குறித்த அறிவிப்பு விரைவில் வெளிவரும் என்றும் கூறப்படுகிறது.
 

Very happy to commence our Kannada Film #Shivanna123 in the presence of Power Star @PuneethRajkumar & Bengaluru City Commissioner of Police Bhaskar Rao.

Directed by @dir_raviarasu | Music by Charan Raj | DOP Saravanan Abhimanyu | Editor @KommeHarish pic.twitter.com/wbUwGNU1Lu

— Sathya Jyothi Films (@SathyaJyothi_) February 19, 2020