கருணாநிதி மீம்ஸ் குறித்து நடிகர் சதீஷ்
- IndiaGlitz, [Friday,August 03 2018]
திமுக தலைவர் கருணாநிதி கடந்த ஒரு வாரமாக சென்னை காவேரி மருத்துவமனையில் சிகிச்சை பெற்று வரும் நிலையில் அவரது உடல்நிலை இயல்பு நிலைக்கு திரும்ப வேண்டும் என்று கோடிக்கணக்கான திமுக தொண்டர்கள் பிரார்த்தனை செய்து வருகின்றனர். இந்த நிலையில் மீம்ஸ் கிரியேட்டர்கள் கருணாநிதியின் உடல்நிலை குறித்தும் மீம்ஸ் போட்டு சமூக வலைத்தளங்களில் பதிவு செய்து வருகின்றனர்.
இதுகுறித்து 'பூமராங்' பட விழாவில் பேசிய நடிகர் சதீஷ், 'கருணாநிதி ஒரு மிகப்பெரிய தலைவர். அவர் போன்ற ஒரு தலைவர் இனி நமக்கு கிடைப்பது அரிது. எனவே தயவுசெய்து அவரது உடல்நிலையை வைத்து யாரும் மீம்ஸ் போட வேண்டாம். அவர் குறித்த மீம்ஸ்களை பார்க்கும்போது மனது கஷ்டமாக உள்ளது.
மேலும் மீம்ஸ்களை ஒருசிலர் தான் கிரியேட் செய்கின்றனர். ஆனால் நம்மில் பலர் அந்த மீம்ஸ்களை ஷேர் செய்து பரப்பி விடுகிறோம். நாம் அந்த மீம்ஸ்களை ஷேர் செய்யாமல் இருந்தாலே போதும். இப்போது ஜியோவில் இலவச டேட்டா இருக்கின்றது என்பதற்காக இதுபோன்ற மீம்ஸ்களை ஷேர் செய்வது தவறு என்று பேசினார்.