தமிழ் திரை உலகின் காமெடி நடிகர்களில் ஒருவரான சதீஷ் நாயகனாக நடித்த ’நாய் சேகர்’ மற்றும் ‘ஓ மை கோஸ்ட் ஆகிய படங்கள் நல்ல வரவேற்பை பெற்ற நிலையில் தற்போது அவர் முக்கிய இடத்தில் நடித்துள்ள திரைப்படம் ’வித்தைக்காரன்’.

இந்த படத்தில் சதீஷ் ஒரு மேஜிக் மேன் என்ற கேரக்டரில் நடித்த நிலையில் அந்த கேரக்டரை வைத்து அவர் கடத்தல் தொழிலில் ஈடுபடுவதாகவும் அதனால் ஏற்படும் பிரச்சனை என்ன என்பதுதான் இந்த படத்தின் கதை என்ன டீசரில் இருந்து தெரிய வருகிறது.

விறுவிறுப்பான கடத்தல் காட்சிகளுடன் திரில் கதை அம்சம் கொண்ட இந்த படம் நிச்சயம் ரசிகர்களை ரசிகர்கள் மத்தியில் வரவேற்பு பெரும் என்று எதிர்பார்க்கப்படுகிறது.

சதீஷ், சிம்ரன் குப்தா, ஆனந்தராஜ், மதுசூதனன், சுப்பிரமணியன் சிவா, ஜான்விஜய் உட்பட பலரது நடிப்பில் உருவாகிய இந்த படத்தை வெங்கி இயக்கி உள்ளார். விபிஆர் இசையில் யுவா கார்த்திக் ஒளிப்பதிவில் அருள் இளங்கோ சித்தார்த் படத்தொகுப்பில் உருவாகியுள்ள இந்த படத்தை ஒயிட் கார்பெட் பிலிம்ஸ் நிறுவனம் தயாரித்துள்ளது. இந்த படம் விரைவில் திரைக்கு வர உள்ளது என்பது குறிப்பிடத்தக்கது.