'விவேகம்', 'மெர்சல்', 'வேலைக்காரன்' சாட்டிலைட் உரிமை விபரங்கள்
- IndiaGlitz, [Wednesday,August 09 2017]
தமிழ் திரைப்பட தயாரிப்பாளர்களுக்கும் சாட்டிலைட் டிவிக்களின் நிர்வாகத்தினர்களுக்கும் இடையே கடந்த சில மாதங்களாக கருத்துவேறுபாடுகள் இருந்த நிலையில் பெரிய ஸ்டார்கள் படங்களின் சாட்டிலைட் உரிமை கூட விற்பனை ஆகாமல் இருந்தது. இந்த நிலையில் தற்போது இரு தரப்பினர்களுக்கும் இடையே சுமுகமான சூழ்நிலை இருப்பதால் மீண்டும் சாட்டிலைட் வியாபாரம் சூடு பிடித்துள்ளது.
எனவே முதல்கட்டமாக 'விவேகம்', 'சிங்கம் 3' மற்றும் 'தானா சேர்ந்த கூட்டம்' ஆகிய படங்களின் சாட்டிலைட் உரிமங்களை சன் டிவியும், 'விஜய்யின் 'மெர்சல்' படத்தின் சாட்டிலைட் உரிமையை ஜீதமிழ் தொலைக்காட்சியும், சிவகார்த்திகேயனின் 'வேலைக்காரன்' படத்தின் சாட்டிலைட் உரிமையை விஜய் டிவியும் பெற்றுள்ளன.
மேலும் சில பெரிய பட்ஜெட் படங்களின் சாட்டிலைட் உரிமை வியாபாரம் குறித்து பேச்சுவார்த்தை நடந்து வருகிறது என்பதும், இதுகுறித்த விவாரங்கள் மிக விரைவில் வெளியாகும் என்பதும் குறிப்பிடத்தக்கது