சசிகுமார் நடித்த 'குட்டிப்புலி' படத்தின் மூலம் கோலிவுட் திரையுலகில் இயக்குனராக காலடி எடுத்து வைத்த முத்தையா அதன்பின்னர் கார்த்தி நடித்த 'கொம்பன்' மற்றும் விஷால் நடித்த 'மருது' ஆகிய வெ'ற்றிப்படங்களை இயக்கினார்.

கிராமத்து கதையை தத்ரூபமாக இயக்கும் முத்தையா தற்போது அடுத்த படத்திற்காக தயாராகி விட்டார். அவருடைய அடுத்த படத்தின் டைட்டில் 'கொடிவீரன்' என்று கூறப்படுகிறது. இந்த படத்தில் முக்கிய வேடத்தில் சசிகுமார் நடிக்கவுள்ளதாகவும் அவருக்கு ஜோடியாக நடிக்கும் நடிகையின் தேர்வு நடந்து வருவதாகவும் செய்திகள் வெளிவந்துள்ளது.

முழுக்க முழுக்க கிராமத்து பின்னணியில் படப்பிடிப்பு நடத்தும் இயக்குனர் முத்தையா இந்த படத்தையும் சிவகெங்கை அருகேயுள்ள ஒரு கிராமத்தில் இருந்துதான் தொடங்கவுள்ளாராம். இந்த படத்தின் படப்பிடிப்பு வரும் மார்ச் மாதம் முதல் தொடங்கவுள்ளதாகவும், இந்த படம் குறித்த அறிவிப்பு மிகவிரைவில் வெளியாகவுள்ளதாகவும் கூறப்படுகிறது.