'தாரை தப்பட்டை' படத்திற்கு பின்னர் நடிகரும் இயக்குனருமான சசிகுமார் நடித்த 'வெற்றிவேல்' திரைப்படத்தின் பாடல்கள் நேற்று ரிலீஸ் ஆகி பெரும் வரவேற்பை பெற்ற நிலையில் இந்த படம் விரைவில் திரைக்கு வரவுள்ளது. சசிகுமார், மியா ஜார்ஜ், பிரபு, சமுத்திரக்கனி உள்பட பலர் நடித்துள்ள இந்த படத்தை வசந்தமணி இயக்கியுள்ளார். டி.இமான் இந்த படத்திற்கு இசையமைத்துள்ளார்.

இந்நிலையில் சசிகுமாரின் அடுத்த படம் குறித்த தகவல்கள் தற்போது வெளிவந்துள்ளது. தேசிய விருது பெற்ற இயக்குனர் வசந்தபாலன் அவர்களிடம் உதவி இயக்குனராக இருந்த பிரசாந்த் என்பவர் சசிகுமாரின் அடுத்த படத்தை இயக்கவுள்ளதாக செய்திகள் வெளிவந்துள்ளது. இந்த படத்தை சசிகுமாரே தயாரிக்கவுள்ளாராம்.

இந்த படத்தில் சசிகுமாருக்கு ஜோடியாக நடிக்கும் நடிகை மற்றும் தொழில்நுட்ப கலைஞர் குறித்த விவரங்கள் விரைவில் அறிவிக்கப்படும் என கூறப்படுகிறது. இந்த படத்தில் பல புதுமுகங்கள் அறிமுகமாக இருப்பதாக கூறப்படுகிறது.