சசிகுமாரின் 'வெற்றிவேல்' டிராக்லிஸ்ட்
- IndiaGlitz, [Friday,March 18 2016]
சசிகுமார் நடித்த 'வெற்றிவேல்' படத்தின் இசைவெளியீடு இன்று நடைபெறவுள்ள நிலையில் இந்த படத்தின் டிராக்லிஸ்ட் தற்போது வெளியாகியுள்ளது. டி.இமான் இசையமைத்துள்ள இந்த படத்தின் ஆல்பத்தில் மொத்தம் ஐந்து பாடல்கள் அமைந்துள்ளது. மூன்று பாடல்களை யுகபாரதியும் இரண்டு பாடல்களை மோகன்ராஜ் என்பவரும் எழுதியுள்ளனர்.
1. அடியே உன்னை பாத்திட' என்று தொடங்கும் முதல் பாடலை கவிஞர் யுகபாரதி எழுதியுள்ளார். இந்த பாடலை சத்யபிரகாஷ், வந்தன ஸ்ரீனிவாசன் ஆகியோர் பாடியுள்ளனர்.
2. ஒன்னைப்போல ஒருத்தனை' என்று தொடங்கும் பாடலையும் யுகபாரதி எழுதியுள்ளார். இந்த பாடலை ஷ்ரேயா கோஷல் பாடியுள்ளார்.
3. ஆட்டம் போட்டு' என்று தொடங்கும் மூன்றாவது பாடலை மோகன்ராஜ் என்பவர் எழுதியுள்ளார். சாய்சரண் இந்த பாடலை பாடியுள்ளார்.
4. அதுவா இதுவா' என்று தொடங்கும் நான்காவது பாடலையும் மோகன் ராஜ் எழுதியுள்ளார். ஆலாப் ராஜூ என்பவர் இந்த பாடலை பாடியுள்ளார்.
5. நாட்டு சாலையிலே' என்று தொடங்கும் ஐந்தாவது பாடலை யுகபாரதி எழுதியுள்ளார். ஜெயம் மூர்த்தி, மகாலிங்கம், அனிதா வெங்கட், கோவில்பட்டி அமலி ஆகியோர் இந்த பாடலை பாடியுள்ளனர்.
மேலும் இந்த ஆல்பத்தில் 'அடியே உன்னை பாத்திடம்' மற்றும் உன்னை போல ஒருத்தனை ஆகிய இரண்டு பாடல்களின் கரோக்கிகளும் உள்ளன என்பது குறிப்பிடத்தக்கது.
இயக்குனர் வசந்தமணி இயக்கியுள்ள இந்த படத்தில் சசிகுமார், மியா ஜார்ஜ், பிரபு, சமுத்திரக்கனி, தம்பி ராமையா உள்ளிட்ட பலர் நடித்துள்ளனர்.