விஜய் சினிமாவில் இருந்து ஓய்வு பெற மாட்டார் என நினைக்கிறேன்: சசிகுமார்
- IndiaGlitz, [Friday,September 13 2024]
நடிகர் விஜயின் கடைசி திரைப்படம் ’தளபதி 69’ என்று கூறப்படும் நிலையில் இன்று மாலை இந்த படத்தின் அறிவிப்பு வெளியாக உள்ளது. இந்நிலையில் நடிகரும் இயக்குனருமான சசிகுமார் சினிமாவில் இருந்து விஜய் ஓய்வு பெற மாட்டார் என்று நினைக்கிறேன் என பேட்டி ஒன்றில் கூறியுள்ளார்.
நடிகரும் இயக்குனருமான சசிகுமார் தற்போது ’நந்தன்’ என்ற படத்தில் நடித்து முடித்துள்ள நிலையில் இந்த படத்தின் புரமோஷனுக்காக பல பேட்டிகள் அளித்து வருகிறார். ரா. சரவணன் உருவாகி உள்ள இந்த படத்திற்கு ஜிப்ரான் இசையமைத்துள்ளார் என்பதும் ஸ்ருதி பெரியசாமி நாயகியாக நடித்துள்ளார் என்பதும் குறிப்பிடத்தக்கது.
இந்த நிலையில் பேட்டி ஒன்றில் இயக்குனர் சசிகுமார் ’அடுத்து நடிக்க இருக்கும் ஒரு படத்துடன் விஜய் ஓய்வு பெறக்கூடாது என நான் நினைக்கிறேன், அரசியலில் இருந்தும் அடிக்கடி படம் நடிக்கலாம், விஜய் ஓய்வு பெற மாட்டார் என்று என்னுடைய கணிப்பு’ என்று கூறியுள்ளார்.
மேலும் ’ஈசன்’ படத்துக்கு பிறகு விஜய் இடம் தான் ஒரு கதையை கூறியதாகவும் 2015 ஆம் ஆண்டில் இது குறித்து பேச்சுவார்த்தை நடந்ததாகவும் இதுவொரு வரலாற்று திரைப்படத்தின் கதை என்றும் சசிகுமார் கூறினார். விஜய்க்கு இந்த கதை பிடித்திருந்ததால், அவரே தயாரிப்பாளரையும் காட்டினார். ஆனால் இந்த படத்தின் பட்ஜெட் அதிகமாக இருந்ததால் அந்த படம் கைவிடப்பட்டது என்று சசிகுமார் கூறியுள்ளார்.