போட்டி இல்லை என்பது பெருமை இல்லை.. போட்டி இருந்தால்தான் ஜனநாயகத்திற்கு பெருமை: 'நந்தன்' டிரைலர்
- IndiaGlitz, [Saturday,September 14 2024]
சசிகுமார் நடிப்பில் உருவான ’நந்தன்’ என்ற படத்தின் டிரைலர் வெளியாகி இணையத்தில் வைரலாகி வரும் நிலையில் இந்த ட்ரெய்ரில்ர் உள்ள வசனங்கள் அட்டகாசமாக இருப்பதாக ட்ரைலரை பார்த்த ரசிகர்கள் கருத்து தெரிவித்து வருகின்றனர்.
சசிகுமார் நடிப்பில், இரா சரவணன் இயக்கத்தில், ஜிப்ரான் இசையில் உருவாகிய ’நந்தன்’ திரைப்படத்தின் படப்பிடிப்பு முடிவடைந்து விரைவில் ரிலீசாக இருக்கும் நிலையில் இந்த படத்தின் டிரைலர் சற்று முன் வெளியாகி இணையத்தில் வைரல் ஆகி வருகிறது.
சசிகுமார் ஜோடியாக ஸ்ருதி பெரியசாமி நடித்த படத்தில் மாதேஷ், மிதுன், பாலாஜி சக்திவேல், சமுத்திரகனி, ஞானவேல் உள்ளிட்ட பலர் நடித்துள்ளனர். ஒரு சாதாரண நபர் அரசியலுக்கு வந்தால் அவருக்கு என்னென்ன பிரச்சனைகள் ஏற்படும்? அரசியல்வாதிகள் என்னென்ன தில்லுமுல்லுகள் செய்வார்கள் என்பதுதான் இந்த படத்தின் கதை என்பது டிரைலரில் இருந்து தெரிய வருகிறது
ஆள்றதுக்கு தான் அதிகாரம் தேவைன்னு நினைச்சேன்.. இப்ப தான் தெரியுது வாழ்வதற்கு இங்கே அதிகாரம் தேவைன்னு’ போன்ற வசனங்கள் கன்னத்தில் அறைவது போல் உள்ளன. மொத்தத்தில் சசிகுமாருக்கு ’நந்தன்’ படம் ஒரு சூப்பர் ஹிட் வெற்றி பாடலாமா அமையும் என்பது இந்த ட்ரெய்லரை பார்க்கும்போதே தெரிகிறது.