நடிகரும் இயக்குனருமான சசிகுமார் ’கொம்பு வச்ச சிங்கம்’ ’பகைவனுக்கு அருள்வாய்’ உள்பட 4 திரைப்படங்களில் நடித்து வருகிறார். அவரது நடிப்பில் உருவாகி வரும் ’காமன்மேன்’ என்ற திரைப்படத்தின் படப்பிடிப்பு தற்போது நடைபெற்று வருகிறது.

இந்த நிலையில் சசிகுமார் நடிக்கும் அடுத்த படத்தின் அறிவிப்பு தற்போது வெளியாகியுள்ளது. சசிகுமார் நடிக்கும் அடுத்த படத்தை தங்கம் பா சரவணன் என்பவர் இயக்க உள்ளார். இவர் ஏற்கனவே ’அஞ்சல’ என்ற திரைப்படத்தை இயக்கியுள்ளார்.

இந்த படத்தை மோகன் என்பவர் தயாரிக்க இருப்பதாகவும் இந்த படத்திற்கு சாம் சி.எஸ் இசையமைக்க இருப்பதாகவும் அறிவிக்கப்பட்டுள்ளது. மேலும் இந்த படத்தில் சசிகுமார் ஜோடியாக அனன்யா நாகல்லா என்பவர் நடிக்க உள்ளார். இவர் ஏற்கனவே தெலுங்கில் ஐந்து படங்கள் நடித்து இருக்கும் நிலையில் தமிழில் இவர் அறிமுகமாகும் முதல் படம் என்றும், இந்த படத்தில் மற்றொரு பிரபல நடிகை நடிக்க இருப்பதாகவும் அவரது தகவல்கள் விரைவில் அறிவிக்கப்படும் என்றும் படக்குழுவினர் தெரிவித்துள்ளனர்.

இந்த படத்தின் பூஜை நேற்று சென்னையில் நடைபெற்ற நிலையில் படப்பிடிப்பும் தொடங்கியுள்ளதாகவும் இன்னும் ஓரிரு மாதங்களில் இந்த படத்தின் படப்பிடிப்பை முடிக்க திட்டமிட்டுள்ளதாகவும் கூறப்படுகிறது.