கடந்த 2008ஆம் ஆண்டில் ’சுப்பிரமணியபுரம்’ என்ற திரைப்படத்தின் மூலம் நடிகர், தயாரிப்பாளர், இயக்குனர் என அறிமுகமானவர் சசிகுமார். அதன்பின்னர் ’நாடோடிகள்’ ’போராளி’ ’சுந்தரபாண்டியன்’ ’நிமிர்ந்து நில்’ ’பிரம்மன்’ உள்பட பல திரைப்படங்களில் நடித்தார் என்பதும் ஒரு சில திரைப்படங்களை தயாரித்து இயக்கினார் என்பதும் குறிப்பிடத்தக்கது. இந்த நிலையில் தற்போது சசிகுமார் ’ராஜவம்சம்’ ’எம்ஜிஆர் மகன்’ ’பகைவனுக்கு அருள்வாய்’ ’கொம்பு வச்ச சிங்கம்டா’ ஆகிய திரைப்படங்களில் நடித்து வருகிறார் என்பது குறிப்பிடத்தக்கது.

இந்த நிலையில் சசிகுமார் நடிக்கும் அடுத்த படம் குறித்த அறிவிப்பு தற்போது வெளிவந்துள்ளது. சசிகுமாரின் அடுத்த படத்தை பிரின்ஸ் பிக்சர்ஸ் நிறுவனம் தயாரிக்கவுள்ளது என்பதும், இந்நிறுவனத்தின் ஐந்தாவது படம் இது என்பது குறிப்பிடத்தக்கது. மெலும் இந்த படத்தை ஹேமந்த் என்பவர் இயக்கி உள்ளார் என்றும் அறிவிக்கப்பட்டுள்ளது.

மேலும் இந்த படத்திற்கு டி இமான் இசையமைக்க உள்ளார். இந்த படத்தின் பூஜை குறித்த புகைப்படங்களை இசையமைப்பாளர் டி இமான் தனது சமூக வலைதளத்தில் வெளியிட்ட நிலையில் இந்த புகைப்படங்கள் தற்போது வைரலாகி வருகிறது. சசிகுமார் ஜோடியாக நடிக்கும் நடிகை உள்பட மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு மிக விரைவில் வெளியாகும் என்று எதிர்பார்க்கப்படுகிறது.

View this post on Instagram

A post shared by D.Imman (@immancomposer)