'வெற்றிவேல்' சசிகுமாருக்கு இரண்டு ஹீரோயின்கள்?
- IndiaGlitz, [Monday,September 21 2015]
தேசிய விருது பெற்ற இயக்குனர் பாலாவின் 'தாரை தப்பட்டை' படத்தின் படப்பிடிப்பு கடந்த வாரம் முடிவடைந்த நிலையில், சசிகுமார் அறிமுக இயக்குனர் வசந்தமணி இயக்கத்தில் உருவாகவுள்ள 'வெற்றிவேல்' படத்தில் நடிக்க ஒப்பந்தமானார் என்பதை ஏற்கனவே பார்த்தோம். இந்நிலையில் இந்த படத்தில் சசிகுமாருக்கு ஜோடியாக இரண்டு ஹீரோயின்கள் நடிக்கவுள்ளதாகவும், இருவருமே புதுமுகங்கள் என்றும் படக்குழுவினர் தெரிவித்துள்ளனர். இரண்டு ஹீரோயின்கள் தேர்வு இறுதிக்கட்டத்தை அடைந்துள்ளதாகவும், விரைவில் இருவரின் பெயர்கள் அறிவிக்கப்படும் என்றும் கூறப்படுகிறது.
மேலும் பாலாவின் 'தாரை தப்பட்டை' படத்திற்காக நீளமான வித்தியாசமான ஹேர்ஸ்டைலில் தோற்றமளித்த சசிகுமார், தற்போது இந்த படத்தில் வழக்கமான ஹேர் ஸ்டைலில் தோன்றவுள்ளார். மேலும் சசிகுமாரின் முந்தைய படங்கள் போன்றே நட்பு, ஆக்ஷன், காமெடி, காதல் ஆகியவை கலந்த ஒரு பொழுதுபோக்கு படம் என்றும் படக்குழுவினர் தெரிவித்துள்ளனர்.
பிரபு, தம்பி ராமையா, ரேணுகா, விஜீ மற்றும் பலர் நடிக்கும் இந்த படத்திற்கு டி.இமான் இசையமைக்கின்றார். எஸ்.ஆர்.கதிர் ஒளிப்பதிவில் உருவாகும் இந்த படத்தை ரவிந்த்ரன் என்பவர் தயாரித்து வருகிறார். இந்த படத்தின் படப்பிடிப்பு தஞ்சாவூரில் நடைபெற்று வருகிறது.