அடுத்தகட்டத்திற்கு செல்கிறது சசிகுமாரின் 'கிடாரி'
- IndiaGlitz, [Wednesday,July 06 2016]
'வெற்றிவேல்' என்ற வெற்றி படத்திற்கு பின்னர் சசிகுமார் நடித்து வந்த 'கிடாரி' திரைப்படத்தின் படப்பிடிப்பு கடந்த சில மாதங்களாக விறுவிறுப்புடன் நடைபெற்று வந்த நிலையில் நேற்றுடன் அந்த படத்தின் படப்பிடிப்பு முடிந்துவிட்டதாகவும், விரைவில் போஸ்ட் புரடொக்ஷன்ஸ் பணிகள் ஆரம்பமாகவுள்ளதாகவும் செய்திகள் வெளிவந்துள்ளது.
வெற்றிவேல்' படத்தின் நாயகி நிகிலா விமல் மீண்டும் சசிகுமாருக்கு ஜோடியாக நடித்துள்ள இந்த படத்தில் நீண்ட இடைவெளிக்கு பின்னர் நெப்போலியன் ரீஎண்ட்ரி ஆகிறார். 'ராஜதந்திரம்' படத்தில் முக்கிய வேடத்தில் நடித்த தர்புகா சிவா, இந்த படத்தின் மூலம் இசையமைப்பாளர் ஆகிறார்.
பிரசாந்த் முருகேசன் இயக்கியுள்ள இந்த படத்தை சசிகுமார் தயாரித்துள்ளார். இந்த படத்தின் படப்பிடிப்பு முடிவடைந்த தகவலை சசிகுமார் தன்னுடைய சமூக வலைத்தளத்தில் பதிவு செய்துள்ளார் என்பது குறிப்பிடத்தக்கது. 'கிடாரி' படப்பிடிப்பு முடிவடைந்துவிட்டதால் அவர் நடிக்கவுள்ள அடுத்த படம் குறித்த அறிவிப்பு வெகுவிரைவில் வெளியாகும் என்று எதிர்பார்க்கப்படுகிறது.