சசிகுமாரின் 'கிடாரி' சென்சார் தகவல்கள்
- IndiaGlitz, [Saturday,August 27 2016]
'வெற்றிவேல்' என்ற வெற்றி படத்திற்கு பின்னர் சசிகுமார் நடித்து முடித்துள்ள திரைப்படம் வரும் 'கிடாரி', செப்டம்பர் 2ஆம் தேதி ரிலீஸ் என்று அறிவிக்கப்பட்டுள்ள நிலையில் இந்த படம் இன்று சென்சார் செய்யப்பட்டது.
இன்று சென்சார் அதிகாரிகள் இந்த படத்தை பார்த்து UA சர்டிபிகேட் அளித்துள்ளனர். இந்த படத்திற்கு UA சர்டிபிகேட் கிடைத்துள்ளதால் தமிழக அரசின் வரிவிலக்கை பெறும் வாய்ப்பை இந்த படம் இழக்கின்றது.
வெற்றிவேல்' படத்தின் நாயகி நிகிலாவிமல் மீண்டும் சசிகுமாருக்கு ஜோடியாக நடித்துள்ள இந்த படத்தில் நீண்ட இடைவெளிக்கு பின்னர் நெப்போலியன் ரீஎண்ட்ரி ஆகிறார். 'ராஜதந்திரம்' படத்தில் முக்கிய வேடத்தில் நடித்த தர்புகா சிவா, இந்த படத்தின் மூலம் இசையமைப்பாளர் ஆகிறார். பிரசாந்த் முருகேசன் இயக்கியுள்ள இந்த படத்தை சசிகுமாரின் கம்பெனி புரடொக்ஷன்ஸ் நிறுவனம் தயாரித்துள்ளது.