சசிகுமாரின் 21வது படம்: டைட்டில் மற்றும் டீசர் ரிலீஸ்!
- IndiaGlitz, [Thursday,December 23 2021]
நடிகர் சசிகுமார் நடிக்கும் 21வது திரைப்படத்தின் டைட்டில் மற்றும் டீசர் டிசம்பர் 23ஆம் தேதி வெளியாகும் என ஏற்கனவே அறிவிக்கப்பட்டிருந்தது என்பதை பார்த்தோம். இந்த நிலையில் சற்று முன்னர் இந்த படத்தின் டைட்டில் மற்றும் டீஸர் வெளியாகி உள்ளது.
சசிகுமார் நடிப்பில் சத்யசிவா இயக்கத்தில் உருவாகி வரும் இந்த படத்திற்கு ’காமன்மேன்’ என்ற டைட்டில் வைக்கப்பட்டுள்ளது. மேலும் இந்த படத்தின் டீசர் சற்றுமுன் வெளியாகியுள்ள நிலையில் ஒரே ரத்தம் சதையாக இருக்கும் காட்சிகள் இருப்பதால் இந்த படம் ஒரு த்ரில் படம் என்பது உறுதியாகி உள்ளது.
சசிகுமார் ஜோடியாக ஹரிப்பிரியா நடிக்கும் இந்த படத்தில் முக்கிய வேடத்தில் விக்ராந்த் நடித்து வருகிறார் என்பது குறிப்பிடத்தக்கது. ஜிப்ரான் இசையமைப்பில், ராஜா பட்டாச்சார்யா ஒளிப்பதிவில், ஸ்ரீகாந்த் படத்தொகுப்பில் உருவாகிவரும் இந்த படத்தை செந்தூர் பிலிம்ஸ் இண்டர்நேஷனல் நிறுவனம் தயாரித்து வருகிறது. இந்த படம் அடுத்த ஆண்டு வெளியாகும் என டீசரில் குறிப்பிடப்பட்டுள்ளது.