'உட்தா பஞ்சாப்' படத்தின் வெற்றி எங்கள் வெற்றி : சசிகுமார்
- IndiaGlitz, [Wednesday,June 15 2016]
இயக்குனர் அனுராக் காஷ்யப் இயக்கத்தில் ஷாஹித் கபூர், கரீனா கபூர் நடித்த 'உட்தா பஞ்சாப்' படத்திற்கு சென்சார் போர்டு செய்த கெடுபிடிகள், அதனை அடுத்து மும்பை நீதிமன்றம் அளித்த தீர்ப்பு ஆகியவற்றால் ஏற்பட்ட பரபரப்பு ஆகியவற்றை ஏற்கனவே பார்த்தோம்.
இந்நிலையில் 'உட்தா பஞ்சாப்' பட இயக்குனர் அனுராக் காஷ்யாப் அவர்களுக்கு தணிக்கை வாரியத்துக்கு எதிரான போராட்டத்தில் கிடைத்த வெற்றி எங்களுக்கும் உரித்தானது என்று பிரபல இயக்குனரும் நடிகருமான சசிகுமார் தனது சமூக வலைத்தளத்தில் தெரிவித்துள்ளார்.
பூனைக்கு யார் மணி கட்டுவது என்று அனைவரும் தயங்கிக்கொண்டிருந்த நிலையில் 'உட்தா பஞ்சாப்' படக்குழுவினர் தைரியமாக சென்சார் போர்டை எதிர்த்து நீதிமன்றத்தில் வழக்கு போட்டு வெற்றியும் பெற்றுள்ளதால் இந்த வெற்றியை படக்குழுவினர் மட்டுமின்றி இந்திய திரையுலகினர் அனைவருமே கொண்டாடி வருகின்றனர் என்பது குறிப்பிடத்தக்கது.