சசிகுமார் மற்றும் ஜோதிகா இணைந்து ஒரு திரைப்படத்தில் நடிக்க இருப்பதாக வெளிவந்த செய்தியை ஏற்கனவே பார்த்தோம். இந்த நிலையில் இந்த செய்தி தற்போது உறுதி செய்யப்பட்டு இன்று காலை இந்த படத்தின் பூஜையும் நடைபெற்றது

இன்று நடைபெற்ற பூஜையில் சூர்யா உள்பட படக்குழுவினர் பலர் கலந்து கொண்டனர். சூர்யாவின் 2டி என்டர்டெயின்மென்ட் நிறுவனம் தயாரிக்கும் இந்தப் படத்தில் சசிகுமார், ஜோதிகாவுடன் சமுத்திரகனி, சூரி, கலையரசன் உள்பட பலர் முக்கிய கேரக்டர்களில் நடிக்க உள்ளனர்

கிராமப்புறப் பின்னணியில் உருவாகும் இந்த படத்தின் கதையில் உறவுகள் குறித்து உரக்கச் சொல்லும் விதத்தில் உருவாக்கப்பட இருப்பதாகவும் இந்த படம் முழுக்க முழுக்க புதுக்கோட்டை மற்றும் தஞ்சை பகுதியில் உள்ள கிராமங்களில் படப்பிடிப்பு நடத்த திட்டமிட்டுள்ளதாகவும் படக்குழுவினர் தெரிவித்தனர். இயக்குனர் இரா.சரவணன் இயக்கும் இந்த படத்திற்கு வேல்ராஜ் ஒளிப்பதிவு செய்ய, டி. இமான் இசையமைக்க உள்ளார்