அன்னிக்கு நீ ரசிச்ச..இன்னிக்கு நான் ரசிக்கிறேன். சசிகுமார்
- IndiaGlitz, [Monday,March 28 2016]
பிரபல இயக்குனரும் நடிகருமான சமுத்திரக்கனிக்கு 'விசாரணை' படத்தில் சிறப்பாக நடித்ததற்காக சிறந்த துணை நடிகருக்கான தேசிய விருது கிடைத்துள்ளது. இதன் காரணமாக சமுத்திரக்கனிக்கு திரையுலகினர் நேரிலும் தொலைபேசியிலும், சமூக வலைத்தளங்களிலும் வாழ்த்துக்களை குவித்து வருகின்றனர்.
இந்நிலையில் சமுத்திரக்கனியின் நெருங்கிய நண்பரும், நடிகர் மற்றும் இயக்குனருமான சசிகுமார் தனது சமூக வலைத்தளத்தில் கூறியபோது, 'பசங்க', 'தலைமுறைகள்', படங்களுக்காக நான் விருது வாங்க போகும்போது நீ உட்கார்ந்து பார்த்து ரசிச்சே. இன்னிக்கு 'விசாரணை'க்காக நீ வாங்கப்போற...நான் உட்கார்ந்து ரசிச்சு பார்க்கப் போறேன். இறைவனுக்கு நன்றி' என்று கூறியுள்ளார்.
மேலும் சசிகுமார் நடித்த 'தாரை தப்பட்டை' படத்திற்காக சிறந்த பின்னணி இசைக்கான தேசிய விருது பெற்ற இளையராஜா அவர்களை வணங்குவதாகவும், விருதுக்கு காரணமான பாலாவை வாழ்த்துவதாகவும் அவர் தன்னுடைய சமூக வலைத்தளத்தில் பதிவு செய்துள்ளார்.