மறைந்த தமிழக முதல்வர் ஜெயலலிதா மர்மமான முறையில் மரணம் அடைந்ததாக தொடர்ந்து கூறி வரும் நாடாளுமன்ற உறுப்பினர் சசிகலா புஷ்பா, ஜெயலலிதா மரணத்தின் மர்மம் குறித்து விசாரிக்க வேண்டும் என்று உள் துறை அமைச்சர் ராஜ்நாத் சிங், மற்றும் குடியரசுத் தலைவர் பிரணாப் முகர்ஜி ஆகியோரிடம் மனு கொடுத்துள்ளார். மேலும் பிரதமர் மோடியிடமும் விரைவில் இதுகுறித்து மனு கொடுக்க உள்ளதாக கூறப்படுகிறது.

இந்நிலையில் எம்ஜி.ஆர் நினைவு தினமான இன்று சசிகலா புஷ்பா, எம்ஜிஆர் மற்றும் ஜெயலலிதா சமாதியில் அஞ்சலி செலுத்தினார்.

பின்னர் செய்தியாளர்களிடம் பேசிய சசிகலா புஷ்பா, 'அம்மாவின் மறைவுக்கான காரணம் தெரிய வேண்டும். அவருக்கு என்ன நேர்ந்தது என்பதை அனைவருக்கும் தெரிய வேண்டும். அதை உச்சநீதிமன்றம் வழியாக நியாயம் பெறாமல் விட மாட்டோம் என்று இன்று புரட்சித் தலைவர் மறைந்த நாளில் அவரது நினைவிடத்தில் சபதம் எடுத்திருக்கிறோம். அம்மா அவர்களின் நினைவிடத்திலும் அஞ்சலி செலுத்தி விட்டு இதற்கு காரணமானவர்களை வெட்ட வெளிச்சமாக்க வேண்டும் என்று அனைவரும் மனதார வேண்டிக் கொண்டோம்” என்று ஆவேசமாக சசிகலா புஷ்பா கூறியுள்ளார்.